மாஸ்டர் திரைப்படமும் இது வரை பார்க்காத தளபதி விஜய் இன் வித்தியாசமான கதாபாத்திரமும் : மாஸ்டர் திரைப்படம் பற்றிய ஓர் அலசல்

 மாஸ்டர் 

Genre : Action, Crime, Thriller 

ரசிகர்களின் பலத்த எதிர்பார்ப்புக்கு மத்தியில் ஓர் நீண்ட இடைவேளைக்கு பிறகு தியேட்டர்களில் வெளிவந்த திரைப்படம் தான் இந்த மாஸ்டர்.  இத் திரைப்படத்தில் லோகேஷ் கனகராஜ் இயக்கத்தில் தளபதி விஜய் ஹீரோவாகவும் மக்கள் செல்வன் விஜய் சேதுபதி வில்லனாகவும் நடித்திருந்தார்கள். முதலில் இந்த திரைப்படத்தின் கதையை சுருக்கமாகப் பார்ப்போம். பின்பு இந்த திரைப்படத்தின் விஜய் இன் கதாபாத்திரம் மற்றைய விஐய் இன் கதாபாத்திரங்களிலும் எவ்வாறு வேறுபட்டுள்ளது என்பது பற்றி பார்ப்போம்.

இந்த திரைப்படத்தின் கதை என்னவென்றால் JD எனும் Professor விஜய் கல்லூரி மாணவர்களால் பெரிதும் கொண்டாடப்படுபவர். அதேவேளை அக் கல்லூரி சக ஆசிரியர்களில் பெரும்பாலேருக்கு அவரைப் பிடிக்காது. JD பகலில் Professor ஆனால் இரவு 6 மணிக்கு பிறகு full ஆ தண்ணி அடிச்சுட்டு மட்டையாகிடுவார்.சில சம்பவங்களால் JD 3 மாத இடைவெளியில் ஓர் சீர் திருத்த பள்ளியில் உள்ள மாணவர்களுக்கு கற்பிக்க அனுப்பப் படுகிறார்.

அங்கு சென்ற பிறகு தான் அவர் அறிகிறார். இந்த சீர் திருத்த பள்ளி ஆனது பவானி ஆகிய விஐய் சேதுபதி எனும் பெரிய ரவுடியால் கட்டுப்படுத்தப் படுகிறது என்று. அடப் போங்கடா நீங்கள் என்ன வேணாலும் பண்ணிக் கோங்க நான் இங்க தன் பாட்டுக்கு 3  மாதம் இருந்துட்டு போறன் என்று JD வழமை போல பகல்ல அங்கிருக்கும்  லோகல் பசங்களோட பாட்டு விளையாட்டு என்றும் இரவு தண்ணி அடிக்கிறது என்றும் காலத்தை போக்கினார்.

சில சம்பவங்களுக்கு பிறகு பவானி இங்குள்ள சிறுவர்களை கொண்டு போதைவஸ்து,  களவு போன்ற பல சமூக விரோத செயல்களை செய்வதுடன் பள்ளியில் கூட போதைவஸ்து பழக்கம் இருப்பதாகவும் அறிகிறார். மேலும் அந்த குறிப்பிட்ட சம்பவத்தால் மனமுடைந்த JD தனது குடிப்பழக்கத்தை முற்றாக நிறுத்தி உண்மையான மாஸ்டர் ஆ அந்த பள்ளியை மாற்றி அமைக்க முயல்கிறார். அப்பிடியே பவானியையும் எதிர்க்கிறார்.

JD அந்த சீர் திருத்த பள்ளியில் மாற்றத்தை கொண்டு வந்தாரா இல்லையா , அவர் இதற்காக எவ்வாறான நடவடிக்கைகள் எடுத்தார் , பவானி இக்கு JD இக்கு இடையில் என்ன நடந்தது என்பதே திரைப்படத்தின் கதை ஆகும். மரண மாஸ் சண்டைக் காட்சிகள்,  பக்கா பின்னணி இசை,  ஓர் பெரிய நட்சத்திரப் பட்டாளத்தின் பங்களிப்பு,  விஜய், விஜய் சேதுபதி மற்றும் அர்ஜுன் தாஸ் ஆகியோரின் மிரட்டலான நடிப்பு எண்டு இந்த திரைப்படம் ரசிகர்களுக்கு ஓர் சிறந்த பொங்கல் விருந்தாக இந்த திரைப்படம் அமைந்திருக்கிறது. 

இனி நாம் இந்த ஆக்கத்தில் பார்க்க போறது மாஸ்டர் திரைப்பட விஜய் இன் JD கதாபாத்திரம் வழமையான விஜய் இன் கதாபாத்திரங்களில் இருந்து எவ்வாறு வேறுபட்டுள்ளது என்று.  

உண்மையில் சொன்னால் விஜயின் இந்த பாத்திரம் அட நம்ம விஜய் சாரா இது ? என்று ரசிகர்களே கேட்கும் அளவுக்கு வித்தியாசமான ஓர் கதாபாத்திரம் ஆகும்.

அண்மைக் காலங்களில் விஜயின் அனைத்து திரைப்படங்களும் அட்டகாசமாக அமைந்ததுடன் ;பெரு வெற்றியையும் கோடான கோடி ரசிகர் கூட்டத்தையும் தனதாக்கிக் கொண்டது.வழமையாக விஐய் திரைப்படங்களில் ஒரு மாஸ் ஹுரோ,  ஓர் காதல் கதை,  2 அல்லது 3 காதல் பாட்டு மற்றும் 5 அல்லது 6 சண்டைக் காட்சிகள் என்று இருக்கும். ஆனால் இந்த திரைப்படத்தில் விஐய் ஒரு மாஸ் ஹுரோ என்ற லெவலில் இருந்து ஒரு படி கீழே இறங்கி வந்து நம்மில் ஒருவராக ஒரு லேகல் மனிதனாக நடித்துள்ளார். 

சண்டைக் காட்சிகளில் சாதாரணமாக அடி வாங்குவது,  சண்டையின் போது களைப்படைந்து மூச்சு வாங்குவது என்று ஓர் வித்தியாசமான சண்டைக் காட்சிகளில் நடித்துள்ளார். இது விஜயின் மற்றைய படங்களில் இருந்து வேறு பட்டதுடன் உயிரோட்டம் மிக்கதாகவும் ரசிக்கும் படியாகவும் அமைந்துள்ளது. இதை விட மற்றைய கதாபாத்திரங்களுடன் ஓர் ஹீரோ போல் மாஸ் ஆ இல்லாமல் தானும் கலாய்ப்பது மேலும் தான் அவர்களிடம் மொக்கை வாங்குவது என்று ஓர் வித்தியாசமான பாத்திரத்தை தந்துள்ளார். 

மேலும் விஜய் மற்றயவர்களிடம் தன் காதல் கதை என்று  டைட்டானிக், பிரேமம் போன்ற திரைப்பட கதைகளை சொல்வது பிரமாதம். குறிப்பாக இறுதியில் சொல்லும் டைட்டானிக் கதைக் காட்சி சிறப்பாக அமைந்துள்ளது. இதை விட இயக்குனர் தேவையில்லாத காதல் கதையில் அதிக நேரம் செலவிடாமல் ஒரு சிறிய கதையுடன் நகரும் பாடலில் மட்டும் தந்துள்ளதும் ரசிக்கும் படியாக உள்ளது. இதுவே விஜயின் இந்த திரைப்படம் மற்றைய விஜய் படங்களில் இருந்து வேறுபட்டு உள்ளது என்பதற்கு ஓர் சிறந்த எடுத்துக்காட்டு ஆகும். 

இதை விட கில்லி படத்தை ஞாபகப்படுத்தும் கபடி காட்சி,  இடைவேளைக்கு பிறகு வரும் சண்டைக் காட்சிகள் என்பவற்றில் விஐய் தனது வழமையான படங்களில் உள்ளதை போல் மாஸ் காட்டி இருந்தார். அதாவது இந்த திரைப்படத்தில் விஐயின் கதை இரண்டு கோணங்களில் உள்ளது. முதலாவது தாடி,  மீசை உடன் பக்கா லோக்கலாக சரக்கடிச்சுத் திரியும் ஓர் வித்தியாசமான கதாபாத்திரம். மற்றயது தனது குடிப்பழக்கத்தை விட்டெறிந்து பவானியிடம் இருந்து பள்ளியை மீட்டெடுக்க முயலும் வழமையான விஐயின் மாஸ் கதாபாத்திரம். இவ் இரண்டு வித்தியாசமான கோணத்தையும் விஐயின் தோற்றத்தை கொண்டே வேறு படுத்தலாம். முதலில் அதிக தாடி மீசையுடன் தோற்றம். பின்னர் தாடி, மீசையின் அளவை குறைத்து டீசன்ஸ் ஆன உடை என்று வழமையான விஜயின் கதாபாத்திரம் . 

சொல்லப் போனால் மாஸ்டர் திரைப்படம் தளபதி விஜய் சேரின் ஓர் வித்தியாசமான கதாபாத்திரத்தை தந்துள்ளது. இது நிச்சயம் ரசிகர்களால் வரவேற்கப்படும் என்பதில் எவ்வித ஐயமும் இல்லை. மாஸ்டர் திரைப்படம் 2021 ஆண்டின் பொங்கல் விருந்தாக குடும்பத்துடன் தவறாது பார்த்து மகிழ வேண்டிய திரைப்படம் ஆகும்.